HUSBAND AND WIFE PROBLEMS OF FIRST INTERCOURSE

MALE PROBLEMS OF FIRST INTERCOURSE:

Pehli mubashrat mein mardo'n ko amooman do masail ka saamna karna parta hai kyun kay yeh unki pehli mubashrat hoti hai uski mani ki naaliyan (seminal vesicles) bhari hui hoti hain jo kay ma'amooli jinsi ishtiaal ki wajah sey mani ko baher nikal deti hain yani khawand ka inzal (discharge) jald ho jata hai ba'az auqaat to dakhool sey pehley hi mard manzil ho jata hai. Iss sey mard bohut zyada sharmindagi mehsoos karta hai jab kay yeh koi jismaani beemari nahin iss surat mein aap bhi jhunjhalaahat ka izhaar na karein thori der ba'ad woh phir tayyar ho jaey ga aur mubashrat karein iss bar uski kaarkardagi behter hogi aur aa'enda bhi rozana do baar mubashrat karein to khawand ki kaarkardagi bohut behter ho jaegi. Mu'aashrey mein pheli hui bey shumaar ghalat fehmiyo'n (misconception) (sex education….sab kay liye mein inka tafseeli zikr mojood hai) ki wajah sey aksar naujawaan ghalat tor per apney aap ko kamzor samajhtey hain aur unko mubashrat mein nakaami ka khauf hota hai aur iss khauf ki wajah sey ya to unko tana'u nahin hota ya kam hota hai ya phir dakhool sey pehley yakdam khatam ho jata hai, jis fard ko kabhi bhi tana'u (erection) ho woh bilkul normal hota hai, uska masla sirf nafsiyati hota hai. Aap khawand ki hosla afzaee karein aur tanzya fiqra na kahein warna woh humesha kay liye naa mard ho jaega, iss surat mein do haftey foreplay karein aur mubashrat sey mukammal parhaez karein woh bilkul theek ho jaega. Taa'hum agar woh humari kitab "Sex Education…Sab Kay Liye" parhley to uska masla jald hal ho jaey ga ba surat e deegar foran kisi achey mahir e nafsiyaat sey raabta karein.

FEMALE PROBLEMS OF FIRST INTERCOURSE:

Khawateen ki ek bari ta'adaad pehli mubashrat mein orgasm hasil nahin karti iss ka zimm e daar amooman mard nahin hota agarcha woh mard jo surat e inzal (premature ejaculation) ka shikar hotey hain amooman unki biwiyo'n ko orgasm hasil karney mein diqqat hoti hai taa'hum bohut si aurtein fitri tor per shaadi kay shuru mein orgasm hasil nahin kar patii'n. Ba'az ko to baqa'eda orgasm hasil karna seekhna parta hai. Orgasm (sexual climax) waley hissey mein iss mozou per tafseeli guftugoo ki gai hai parh le jiye ga.

Aurton ki ek bohut ma'amooli aqliyat mubashrat sey bohut zyada khaufzada hoti hai jis ki wajah sey mubashrat kay waqt unn ka jism khusoosan taangei'n akarr jati hain aur faraj ka mu'nh bilkul band ho jata hai jiski wajah sey dakhool na mumkin hojata hai yeh ek beemari (vaginismus) hai jis ka elaj bohut aasaan hai iss ka tafseeli zikr aagey aaey ga. Iss hawaley sey ek baat zehen mein rahey kay bazer kay ishtiaal sey faraj ka mu'nh tung ho jata hai jab kay faraj kay ishtiaal sey uska mu'nh tung honey ki bajaey relax ho jata hai doosrey alfaaz mein iss surat mein bazer ki bajaey faraj ko mushtail kya jaey.
Bohut si wajoohaat ki bina'a per bohut si aurton ka parda e bakarat (hymen) ya to khud ba khud phutt jata hai aur ba'az ka hota hi nahin yani parda e bakarat ki adam mojoodgi aurat ki asmat ki alamat nahin (mazeed tafseel kay liye dekhein "Sex Education ….Sab Kay Liye") lekin humarey haan aksar mard iss hawaley sey bohut hassas (concious) hain yani agar pehli mubashrat mein khoon na nikley to woh biwi ko paak daaman nahin samajhtey aur nobat talaaq tak pohonch jati hai. Haala'n kay biwi paak daaman hoti hai iss ka bara saada aur aasaan hull hai aap mubaashirat kay waqt ek common pin ya sui apney paas rakhein mubaashirat kay waqt uss sui ko apni ungli per maarein to uss sey khoon kay chund qatrey nikleingey uss khoon ko bister per laga dein khawand mutmain ho jaey ga.

KHAWATEEN KI JISMANI SAAKHT:

Jismaani saakht ki wajah sey ba'az khawateen ki faraj tung (tight) hoti hai aur ba'az ki qadrey dheeli (loose) jis mein dakhool aasaan hota hai aisi surat mein ba'az auqaat mard ko biwi ki paak daamini per shakk ho jata hai ba'az auqaat nobat talaaq tak pohonch jati hai. Iss pareshaani sey bachney kay liye mubaashirat sey pehley apni faraj ko phitkiri miley pani sey dho lein faraj tung ho jaegi ya phir PC muscles ki mushq sey dakhool kay waqt faraj kay mu'nh kay muscles ko bhee'nch lein to dakhool qadrey mushkil hoga. Iss tarah khawand kisi qism kay wahem mein na parey ga. PC muscles ki mushq ka zikr aagey aaey ga, kuch arsey pehley mujhey ek naujawaan ney shaadi kay doosrey din bohut pareshani kay aalam mein phone kya kay pehli mubaashirat mein faraj ka mu'nh tung na tha jis ki wajah sey dakhool bohut aasaan tha usko shakk tha kay kahiin uski biwi budkaar na ho aur pehley hi mubaashirat ka tajurba na kar chuki ho jab uss sey aurat kay jism ki saakht ki wazahat ki gaee to woh mutmain ho gaya ab hansi khushi zindagi basar kar raha hai.

Popular Posts